Մաշկի երանգով է պայմանավորված շատ հիվանդությունների պատճառը: Քանի որ մաշկն առաջինն է արձագանքում օրգանիզմին, ապա դրա գույնով կարելի է կռահել առողջական վիճակի փոփոխությունները և նախօրոք սկսել կանխարգելումը: Եթե զգում եք, որ ձեր մաշկի գույնն առանց պատճառի փոխվել է և դա երկար ժամանակ է տևում, ուրեմն ժամանակն է դիմել բժշկի:
Եթե մաշկը դեղնել է, ուշադրություն դարձրեք լյարդին: Դեղնության պատճառները շատ են. հեպատիտ, լեղաքարային հիվանդություն, ենթաստամոքսային գեղձի, փայծաղի աշխատանքի խանգարում, նաև արյան հիվանդություններ:
Եթե մաշկի գույնը մգացել է, ուշադրություն դարձրեք երիկամներին և մակերիկամներին: Մաշկի մուգ կամ, նույնիսկ սև գույնը երիկամների հիվանդության կամ միզապարկի ինֆեկցված ախտահարման ամենահավանական պատճառն է:
Եթե մաշկը սպիտակել է, ուշադրություն դարձրեք արյան բաղադրության, նյութափոխանակության, մարսողական, սիրտ-անոթային համակարգերի, թոքերի և վահանագեղձի աշխատանքին: Եթե մաշկը կապտավուն է դարձել, ուշադրություն դարձրեք սիրտ-անոթային, շնչառական համակարգերին Անհապաղ պետք է դիմել սրտաբանին: Այդ գույնը վկայում է արյան մեջ թթվածնի անբավարարության մասին: Եվ սիրտ-անոթային ու շնչառական համակարգերի նորմալ աշխատանքի մասին խոսելն ավելորդ է:
Եթե մաշկը կարմրել է,ուշադրություն դարձրեք արյան, սիրտ-անոթային համակարգի, մարմնի ջերմաստիճանի, ուժեղ ազդեցության վտանգավոր նյութերի (որոնք օգտագործվել են կենցաղում) վրա: Եթե մաշկը մոխրագույն է դարձել, ուշադրություն դարձրեք մարսողությանը, այս երանգը սովորաբար պայմանավորված է ստամոքսաղիքային ուղու խնդիրներով: Դա կարող է լինել և գաստրիտ, և փորկապություն, նույնիսկ ոչ ճիշտ սնունդն է անդրադառնում մաշկի գույնի վրա: Եթե մարսողության հետ կապված ամեն ինչ նորմալ է, նշանակում է մաշկի գույնի վրա ազդում են սթրեսներն ու ծխելը: Դա հանգեցնում է արյունատար անոթների նեղացման, նշանակալիորեն նվազեցնելով մաշկին թթվածնի մատակարարումը:
Գունատությունը կարող է առաջանալ նաև մաշկի վատ արյունամատակարարումից: Դրա պատճառները մի քանիսն են. զարկերակային արյան ցածր ճնշում, թոքերի հիվանդություն, վահանագեղձի հորմոնների անբավարարություն, սրտի հետ կապված խնդիրներ: Մաշկի կարող է գունատվել նաև ցրտից, վախից, ցավից, նաև այտուցներից:
Комментариев нет:
Отправить комментарий